Congo: M23 yamaze kwigarurira ahabaga ibirindiro by’ingabo z’u Rwanda n’iza Congo
By Patrick Muneza - Thu Sep 06, 10:33 am
- Also Wrote
- Papa Benedigito wa 16 yatangaje ukwegura kwe kumurimo w’umushumba wa Kiliziya Gatolika
- Abarundi 9 n’abanyarwanda 2 bararegwa kwinjiza rwihishwa ibiyobyabwenge mu Rwanda
- Kuri uyu wa gatanu urubanza rwa Leon Mugesera rwakomeje mu rukiko rukuru rwa Kigali
- Ikinyamakuru The economist mu iterambere ry’ibihugu bya Afurika y’iburasirazuba
- Jendayi Frazer aranenga raporo ivuga kuri Congo ndetse n’abayishingiraho bafatira ibyemezo u Rwanda
Abarwanyi ba M23
Nyuma y’uko ingabo z’ uRwanda umutwe udasanzwe (special forces) zari zaragiye muri congo Kinshasa gufatanya n’ingabo za Leta FARDC kurwanya umutwe wa FDLR zitahutse, umutwe wa M23 utavuga rumwe na Leta ya Congo wamaze kwigarurira uduce twacungwaga n’izi ngabo.
Nk’uko bitangazwa na Radio Okapi, Ingabo z’u Rwanda zigize umutwe udasanzwe zari zagiye muri Congo kurwanya umutwe wa FDLR, zikaba zaravuyeyo, uduce zarimo twa Katwiguru, Kiseguro na Kaunga ho muri Rutshuru, twamaze kugera mu maboko ya M23.
Radio okapi ikomeza ivuga ko Kuva ingabo z’u Rwanda zahava, FDLR yatangiye kuhafata, kuva tariki ya 1 Nzeri 2012, maze ku itariki ya 3 na M23 nayo iraza ihavana FDLR itarwanye cyakora nibura urusaku rw’amasasu rwumvikanye mu gihe kingana n’iminota 10.
Ibi bibaye mu gihe muri iki cyumweru abayobozi b’ibihugu bigize akarere k’ibiyaga bigari bazahurira i Kampala muri Uganda kugira ngo bahe agaciro amasezerano bemeje yo gushyiraho ingabo zidafite aho zibogamiye, zizacunga umutekano ku mupaka wa Congo n’u Rwanda.
Bumwe Ritha
Loading ...