12:14 am - Saturday 19 April 2014

Kugeza ubu Miliyari 21000 z’amadolari zirahishwe ku isi yose

By Patrick Muneza - Tue Jul 24, 11:10 am

Nkuko byashyizwe ahagaragara n’umuryango utegamiye kuri Leta wo bwongereza witwa Tax Justice Network, ugaragagaza ko miliyari 21000 ku isi yose zitazwi uburyo zikoreshwa kuko zitishyura imisoro.

Uyu muryango ugaragaza ko amafaranga yinjizwa n’abaturage nka PIB mubihugu bibili bikomeye cyane ku isi ari amafaranga asaga miliyari 22000 z’amadolari y’abanyamerika, akaba aruta gato cyane amafaranga ahishwa imisoro ku isi yose agera kuri miliyari 21000.

Ibi bikaba byaragaragajwe na raporo ikomeye yashyizwe ahagaragara na bwana James S.Henry wahoze akuriye ikigo cya Leta zunze ubumwe za Amerika gishinzwe ubukungu McKinsey, ikaba yarashyizwe ahagaragara taliki 22 z’uku kwezi kwa Nyakanga. Ibi rero nanubu bikaba bivugwa ko ari ikigereranyo ngenderwaho kuko ngo ayo mafaranga avugwa ashobora kuzagera kuri miliyari 32000 z’amadolari.

Iyi raporo ya Tax Justice Network igamije kugaragaza ko benshi mubaherwe bazwi kuri iyi si bashobora kuba bakize kurusha uko benshi babikeka.

Dore ibihugu 10 byambere birushanwa guhisha amafaranga ( Mu madolari y’abanyamerika ):

  1. Ubushinwa : Miliyari 1 189
  2. Uburusiya : Miliyari 798
  3. Corée du Sud : Miliyari 779
  4. Brésil : Miliyari 520
  5. Koweït :Miliyari 496
  6. Mexique : Miliyari 417
  7. Venezuela : Miliyari 406
  8. Argentine : Miliyari 399
  9. Indonésie : Miliyari 331
  10. Arabie saoudite : Miliyari 308

Source: Blog France24

Patrick Muneza

Have Your Say

Comments are closed on this post.