08:52 am - Thursday 24 April 2014

BBC Gahuzamiryango yarangije ibiganiro yakoreraga mu karere

By Patrick Muneza - Tue Jul 03, 10:07 am

Felin Gakwaya muri Studio ya Radio10

Mu rwego rwo kwizihiza imyaka 50 y’ubwigenge bw’uBurundi n’uRwanda, Radio BBC, igice cy’ayo gitangaza amakuru mu Kirundi no mu Kinyarwanda cyakoreye ibiganiro bitandukanye bigaragaza intwambwe ibi bihugu byagezeho mumyaka 50 bimaze byigenga.

Ibi biganiro bikaba byaratangiriye iBurundi bikomereza mu Rwanda aho ibi biganiro byakorwaga kubufatanye na Radio10. Ibiganiro byambere byakorewe muntara y’amajyepfo mukarere ka Huye imbere ya Kaminuza y’uRwanda. Ibi biganiro byaberaga mumodoka byibanze ku bumwe n’ubwiyunge bw’abanyarwanda, ibindi biganiro byakurikiyeho byabereye muri studio ya BBC taliki 29 Kamena aho byibanze kumateka ya mbere y’ubukoloni na Nyuma y’ubukoloni mu Rwanda.

Taliki 30 ibiganiro byakomereje muri Studio ya Radio10 i Kigali ahavuzwe ibijyanye n’ubukungu nyuma y’ubwigenge, naho umunsi wanyuma w’ibiganiro bya Radio BBC Gahuzamiryango na Radio 10 wabaye taliki ya 1 Nyakanga 2012 ahagarutswe kubirebana n’umunsi nyirizina n’ubwigenge bw’URwanda ndetse n’uw’uBurundi wagombagakwizihizwa taliki 2 Nyakanga2012.

Abanyamakuru ba Radio10 na BBC Gahuzamiryango

Mubanyamakuru bari bitabiriye icyo gikorwa harimo Felin Gakwaya, Ally Yussouf Mugenzi, Kassim Kayira na Florentine Kwizera ba BBC Gahuzamiryango, Ibrahima Diané na  Concoubo ba BBC Afrique, Erick David Nampesya wa BBC Dares alam n’abandi naho Radio10 ikaba yarihagarariwe na Patrick Muneza.

Radio10

Have Your Say

Comments are closed on this post.