08:17 am - Thursday 17 April 2014

Libya: Umuhungu wa Kadhafi noneho agiye gufungirwa ahantu hazwi!

By Patrick Muneza - Mon Feb 13, 9:18 am

Saïf al Islam Kadhafi.

Nyuma y’igihe afungiwe ahantu hatazwi, Saïf al Islam Kadhafi, umuhungu wa Colonel Mouammar Kadhafi, ngo noneho agiye kujyanwa muri gereza y’i Tripoli kugira ngo abashe kuburanishwa. Gusa ariko ngo ibi birakorwa bitarenze amezi abiri kuko gereza y’i Tripoli irimo gusanwa. Aya makuru akaba yatangajwe na perezida w’akanama k’igihugu k’inzibacyuho hariya muri Libya, Moustafa Abdeljalil.

Saïf al Islam Kadhafi, wari umaze amezi agera kuri atatu afatiwe mu butayu bwa Sahara, kuri ubu yari afungiwe ahantu hatazwi mu mujyi wa Zentane.

Uyu Saïf al Islam ushinjwa ibyaha by’ubwicanyi no gufata abagore ku ngufu  ngo ashobora gukatirwa urwo gupfa mu gihe ibi byaha byaba bimuhamye.

Gusa nk’uko Moustafa Abdeljalil, perezida w’akanama k’igihugu k’inzibacyuho yabitangarije ibiro ntaramakuru by’abongereza Reuters, Saïf al Islam ngo afite uburenganzira bwo guhabwa ubutabera bukwiye nk’uko bigenda ku bandi bose bashinjwa ibyaha.

Ferdinand Uwimana

Have Your Say

Comments are closed on this post.