09:29 am - Saturday 19 April 2014

NDJAMENA: Ibihugu by’Afrika yo hagati bigiye kurwanya umutwe wa LRA

By Patrick Muneza - Wed Jan 11, 3:43 pm

Abakuru b’ibihugu byo mu karere ka Afrika yo hagati barateganya kwiga uko umutwe wa LRA waranduranwa n’imizi yawo.

Iyi nama izigirwamo ikibazo cy’umutwe w’inyeshyamba za LRA iteganyijwe ku ya 15 Mutarama uyu mwaka ikazabera mu murwa mukuru w’igihugu cya Chad.

Intego nyamukuru izahuza abo bakuru b’ibihugu ni ukureba uko uriya mutwe w’inyeshyamba uvuga ko urwanya ubutegetsi bwa Uganda wahagurukirwa ukaranduranwa n’imizi yawo yose.

Africa review dukesha iyi nkuru iravuga ko amakuru ikesha abahagarariye umuryango w’ubukungu uhuza abakuru b’ibihugu byo muri Afrika yo hagati aruko icyo bazibandaho muri iyi nama ari ukunoza ubufatanye mu kurwanya bivuye inyuma ziriya nyeshyamba zo mu mutwe wa Lord’s Resistance army LRA kuko zidahungabanya umutekano mu karere k’ibiyaga bigari gusa ahubwo ko zinawuhungabanya muri repubulika ya Centrafrika.

Ikindi giteganywa kuzibandwaho ni ukwigira hamwe uko  guverinoma ya Centrafrika yahabwa ubushobozi n’ibikoresho bya gisirikare mu kurwanya LRA.

NDUTIYE Florent

Have Your Say

Comments are closed on this post.